Plantun de Prouvènço

Pèr coumpara dos planto d'encò nostre

Ranunculus peltatus subsp. peltatus & Trigonella foenum-graecum

Grapaudino

Ranunculus peltatus subsp. peltatus

Ranunculaceae

Àutri noum : Nègo-fòu, Tirasseto-d'aigo.

Noms en français : Renoncule peltée, Grenouillette.

Descripcioun :
La grapaudino trachis dins lis aigo tranquilo, li lono e li roubino. Ei lou soulet ranouncle d'aigo que fai dos meno de fueio ; aquéli que soun souto l'aigo fan coume de fiéu (en ventau) alor que li que soun sus l'aigo soun plato (fotò). En Camargo vèn la subsp. proche baudotii qu'a lou cor de la flour mai jaune.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 20 à 200 cm
Fueio : alterno
Tipe bioulougico : Idroufite
Cicle bioulougico : Planto renadivo

Gènre : Ranunculus
Famiho : Ranunculaceae

Ordre : Ranunculales

Coulour de la flour : Blanco Jauno
Petalo : 5
Ø (o loungour) flour : 24 à 30 mm
Flourido : Estiéu

Sòu : Ca
Autour basso e auto : Pancaro entresigna
Aparado : Noun

Liò : Aigo - Ribiero
Estànci : Mesoumediterran à Mountagnard
Couroulougi : Éurasiatico
Ref. sc. : Ranunculus peltatus subsp. peltatus Schrank, 1789

Fenigrè

Trigonella foenum-graecum

Fabaceae Leguminosae

Àutri noum : Fenegrè, Senigrè, Senegrè, Sinegrè.

Noms en français : Fenugrec, Sénégrain.

Descripcioun :
Lou fenigrè que nous vèn dis Indo e d'Óuriènt-Mejan es esta proun cultiva à passa tèms, tre l'Age-mejan. Aro èi devengu forço rare au nostre. Sèmblo proun à Trigonella gladiata, pamens se tèn dre, si fueio soun mai grando (> 11 mm), sa dòusso mai longo (> 5 cm, sènso lou bè) e si grano soun mai lisco.

Usanço :
Li grano soun couneigudo coume sabourun en Asìo e au Maghreb e coume planto medecinalo. Es uno planto vertuouso contre lou diabète, d'ùni cancer e li proublèmo de coulesteròu bonodi sis anti-óussidant. Fai passa li mau d'estoumac e la fatigo. Es couseia de manja li grano greiado, grihado o boulido emé de méu pèr leva un pau l'amarun.

Port : Erbo
Taio : 10 à 60 cm
Fueio : coumpausado
Tipe bioulougico : Teroufite
Cicle bioulougico : Planto de l'an

Gènre : Trigonella
Famiho : Fabaceae
Famiho classico : Leguminosae

Ordre : Fabales

Coulour de la flour : Jauno
Petalo : irreguliero
Ø (o loungour) flour : 11 à 12 mm
Flourido : Printèms - Estiéu

Sòu : Ca
Autour basso e auto : 0 à 1000 m
Aparado : Noun

Liò : Champ - Ermas - Camin
Estànci : Termoumediterran à Subremediterran
Couroulougi : Óurigino asiatico
Ref. sc. : Trigonella foenum-graecum L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

RRR

ges

Ranunculus peltatus subsp. peltatus & Trigonella foenum-graecum

ges

Coumpara Grapaudino emé uno autro planto

Coumpara Fenigrè emé uno autro planto